EXP

营业中

休息中

今日收工之後同太太黎到九龍塘又一城食晚餐，今次選左EXP，因為多國餐我地可以叫不同地方嘅食物share，黎到7點半左右，等左5分鐘就有得食。聽講呢度嘅pizza好味，所以我地就叫左個巴馬火腿夏威夷薄餅，pizza厚身、外脆內軟，芝士可以拉到好長嘅絲，真係好好味。因為pizza會膩，所以叫左個柚子大蝦沙律黎清清個口，呢個沙律值得推介！大蝦充滿炭燒香味，柚子配上泰式風味沙律汁，酸酸甜甜，仲帶有少少辣味，相當之醒胃！我地仲叫左個馬來沙嗲串燒，一樣好香炭燒味，沙嗲醬好濃郁，相當好味！其實我地仲叫左個酸果出擊飲品，不過時間關係好快就飲哂無影到。