龍鳳祥餃子館 (已結業)

同女朋友喺附近做完運動，大家都唔想再返屋企煮嘢食，於是就嚟呢間鋪頭食餃子，我同佢都好鍾意食餃子，特別係韭菜豬肉餃，仲要係煎餃添！呢間嘅韭菜豬肉煎餃做得好出色，外面好脆，入邊包住好多肉汁，每咬一啖都會有好多肉汁滴出嚟。淨係食煎餃我又唔夠飽，所以就叫多咗個豬手飯，豬手好腍好入味，女朋友又唔鍾意食豬手，所以我就可以一個人食晒！另外叫咗杯豆漿，都係$6咋，好濃郁豆味。