鼓堡音樂餐廳

與幾位朋友約旺角食飯又無乜頭緒,結果上 Open Rice search 下有咩好食 ... 見呢間西餐廳啲食評唔錯,就用咗 Table Map book 枱,即時 confirm 好方便!

去到個場唔算大,不過場身加上大鏡子令空間感增大,所以都唔會坐得唔舒服.

我們一行四人,侍應推介我們抵食四人餐,不過我哋都想試多啲嘢,所以選擇咗散叫,結果係 ...

首先我叫了一杯飲品,叫 Latin 嘅什果汁(我好乖唔飲酒架! ) ... 味道就一般 fruit punch 咁啦不過都幾 refreshing 嘅 ...

Latin

小食方面,我們叫了鵝肝多士 ... 個鵝肝煎得剛剛好,唔會太燶又或者唔夠熟,入口即熔,加上番茄同微脆多士,配搭及口感極好!

鵝肝多士

另外我們叫了個芝士乳酪薯條,與其他美式餐廳嘅芝士薯條無異,薯條應該係新鮮炸起好 fresh 好脹卜卜,雖然唔太食出乳酪味道或口感,不過味道都良好!

之後係意式辣肉腸薄餅,初時我都有啲担心會唔會好似啲大型連鎖式 pizza 店咁 standard 預先整好晒嗰啲 ... 不過食了一口後 ... 真係好食到要比個讚佢! 芝士味夠,辣肉腸味出,餅底唔硬邊夠脆,食得出係新鮮做嘅 ... 正!

意式辣肉腸薄餅

重有個卡邦尼意粉,意粉幾乾身,味道不俗 ,略嫌煙肉好似肥了點 ...

1

卡邦尼意粉

個啤酒煮青口相比下就失色了點點 ... 味道不算差,亦食出小許酒香 ,不過青口煮過後縮到半片指甲咁大,食完好似無食咁 ...

啤酒煮青口

最後一個主菜,土耳其烤肉批 ... 肉餡非常惹味 ,略嫌個皮有點油,不過應該係土耳其食品特色掛 ...

土耳其烤肉批

到甜品時間,一口氣點晒餐牌上所列3樣,包括焦糖芝士餅,蘋果批配雪糕同冰火朱古力軟餅 ...

個人最喜歡嘅係焦糖芝士餅,啲焦糖响芝士餅上面一點都不覺溜,出奇地夾!

焦糖芝士餅

其次係蘋果批配雪糕,個蘋果批夠熱,配上雪糕一起食,極其冰火!

相反冰火朱古力軟餅,因為 brownie 唔夠熱,食唔出冰火口感,有點失望 ...

冰火朱古力軟餅

埋單連加一(及其他三杯飲品)計返每位約$240 ... 論地區計好像有點貴,不過論食物質素絕對物有所值,值得推介!!!