NUTTEA (時代廣場) (已結業)

其實呢一間野一直都係我嘅最愛清單入面嘅其中一間手搖飲品所以今日去到銅鑼灣行街我都忍唔住捉咗我朋友一齊陪我去買嘢飲呢一間Nuttea係好多地方都有好多嘅分店嘅例如旺角葵芳新蒲崗等等 點解你咁鍾意飲呢一間飲品原因係我係對牛奶敏感嘅人咁需要飲堅果奶呢就可以用來代替左牛奶🥛重點嘅係佢係做到好濃郁好好飲如果星期五買嘅朋友仔可以健康啲選擇半糖味糖先至無糖嘅話係會有紀念品一份㗎💩咁今次我朋友係第一次飲啦所以我就推介佢試吓呢度嘅王牌就係伯爵茶朱古力奶蓋茶！佢雖然比其他嘅樣板係稍為貴少少但係我覺得係值得一試嘅奶蓋上面仲充滿着好多嘅朱古力粉所以飲落去朱古力味係超級出色而且奶蓋係好creamy !!奶蓋亦都係非常之厚嘅一層食落好似食緊蛋糕嗰啲cream咁如果係第一次飲嘅朋友仔可以參考吓佢杯蓋上面嘅一個建議嘅食法而我自己呢就飲咗黑芝芝堅果奶呢一杯係平時我飲開嘅佢係超級香濃嘅芝麻味而且亦都做得好杰身所以飲完之後係超級飽肚！整體來講我覺得性價比係非常之高我會繼續支持！PS店員嘅服務態度非常之好