東京天井食堂

营业中

休息中

呢間係一間有溫度嘅小店。六點幾去到，餐廳未開始忙碌，老闆親自招呼，幫我哋開咗outdoor位置嘅小木枱，輕輕交談幾句，小店就係有呢種人情味。餐廳係一個神秘嘅空間，完全感覺唔似喺尖沙咀嘅鬧市！餐牌選擇唔算多，我哋食咗鰻魚飯、壽喜燒牛肉、雞泡魚乾同埋明太子雞翼。暗然銷魂鰻魚飯好正，口感軟滑嘅鰻魚配上濃味嘅鰻魚汁，送飯一流😋 蛋汁同埋蔥花亦令到味道更加豐富。另一個主菜係壽喜燒牛肉配咗貓飯，貓飯本身味道已經豐富，再撈少少牛肉汁真係好好食！壽喜燒牛肉份量好多，仲有好多菇菌配菜，推介啊👍🏻本身好想試佢哋嘅漢堡扒，可惜小店人手有限，依家一日只做十個，我哋去到嘅時候已經賣晒囉🥲小食亦都高質，明太子雞翼味道鹹香少少辣，雞泡魚乾烤得乾身，兩個都係好好嘅送酒小食。今次時間有啲匆忙，無點甜品，下次再試下。