大中華飯店 (已搬遷) 新店位置

小妹很喜歡食大排檔, 雖然環境、服務沒有一些菜館好, 但對於美食, 我還是喜歡有鑊氣的。大中華大大話話都去過很多次, 最好一大班人去食, 叫餸都可以多選擇, 可以試到更多菜式。每次去大中華, 大部分枱都叫鐵板黑椒豬手, 也是我每次必食之選~鐵板黑椒豬手 - 熱辣辣既鐵板, 香噴噴的黑椒味、肥美的豬手(豬手好大隻), 食落好滿足...小妹每次必叫之選腊味煲仔飯 - 出名的臘味飯, 侍應會在我們面前一邊撈、一邊加入蔥花、臘味及花生等配料, 臘味、蔥花既香味令人看到都好想食, 飯粒夠煙靱、配料一點也不馬虎(又多又香), 必食之選~蒜蓉蝦乾蒸勝瓜 - 小菜弄得好, 一定要師傅有水準, 勝瓜底鋪滿粉絲, 勝瓜的鮮味及蝦乾的香味完全滲入粉絲中, 又鮮又香~~生炒骨 - 夠香口, 賣相很好~琵琶豆腐 - 不過不失, 不過個汁小妹就麻麻地~值得一題, 雖然大中華坐位都較多, 但人流一枱走就一枱入, 免等位太耐, 最好記得訂枱之前見食評話大中華既侍應態度不太好, 小妹次次去都覺得佢地服務好好, 有求必應, 老闆仲好好人添~~~