深宵食堂 (已結業)

深宵食堂好出名，一直好想食，今日終於約到朋友一起串燒小聚。地址非常近銅鑼灣站，附近亦都好熱鬧，行完商場去食飯啱啱好。電梯上到6樓，見到門口的半截門簾，日式小酒館風，好得意。店舖雖不大，卻也有7-8張台，多人聚會都得。老闆超級熱情，態度好好，人好nice，仲同我地講笑傾計，十分親切，我地好驚喜，未開始食嘢已經鍾意想來第二次。餐牌都算豐富。老闆話今日有兩個special，螢光魷魚同炸芋丸，仲話保證好食，唔好食唔收錢。我地冇頂住誘惑就兩樣都試晒！首先上來第一個special：螢光魷魚。唔洗驚，係漬物來嘅，適合送酒。我地冇飲酒，就咁食有小小鹹，但不得不說，係好食嘅。魷魚咬落去會爆汁，滑滑地，有酒味，讓人忍不住一口一口又一口。炸芋丸：芋頭外面包南瓜再炸，香脆又香甜，入面芋泥好林，簡單的炸物可以做到咁好先係特色。吉列蠔：夠大，一啖落去會爆汁，一定要小心熱呀！豚肉蘆筍：豚肉很薄，配搭清香的蘆筍，一點都不膩。豚肉味同蘆筍味各有特色卻又不會溝埋，推介！汁燒雞亦：雞亦燒得很入味，皮很薄，不會太油，不錯。燒羊架：廚師好貼心地已經幫我地切左啲肉落來啦，唔洗食得好樣衰。配料黃介辣，惹味又唔羶，羊肉肥瘦相間，易入