凱施餅店 (已結業)

呢種鬆餅唔係間間麵包舖都有, 平時行過一見到有都必定會買黎試一試, 不過試過好多間都覺得唔岩食, 一係個味道唔香唔好食, 一係就係口感乾又或者好硬... 咁岩今日放工行過見到原來凱施都有, 賣相幾正, 大大個都幾墜手.呢隻係紅莓提子鬆餅, 入面真係有唔少數量既紅莓同提子呀, 差不多每咬一啖都會食到, 一D都唔孤寒! 個鬆餅充滿住牛油既香氣, 鬆餅外皮有D位微微烘焦, 聞落去就更加香, 而且咬落外皮脆脆地, 鬆餅入面都幾鬆化, 咬落一D都唔會乾硬, 幾蚊一件都有呢個質素真係相當正....! 一定會再買黎食~!