🇰🇷韓式餐前小食
韓式餐前小食有六款，包括波菜、薯蓉、醃洋蔥及韓式辣魷魚等。
🔥韓國五花肉套餐
哩道五花肉真係不得了❗️每一舊都好厚身，而且肥瘦相隔，仲要經過168小時低溫熟成，所以食落味道會更濃郁。
店員會幫手燒肉，唔使怕自己控制唔好熟度，五花肉燒得金黃，外皮微帶香脆，入口軟腍多汁，帶有濃郁既肉香，而且充滿油脂香，真係非常好食🥹超推介👍🏻
🐂韓式牛肉他他
牛肉他他鋪上魚子醬、黑松露及海膽，生牛肉清甜，帶有少少咬口，將所有材料撈勻一齊食，味道同口感都好豐富，旁邊仲有味道濃郁既黑松露醬。
🍝韓式冷麵
韓式冷麵麵質煙韌，入口微辣酸爽，非常開胃，食完燒肉之後食，剛好可以解膩。
🍦雲呢拿雪糕配柚子醬及石像爺爺布甸
甜品賣相好適合打卡📸石像爺爺造型既芝麻布甸內裏有柚子味既餡，而雲呢拿雪糕奶香濃郁，面層亦淋上清新開胃既柚子醬。
🍹芒果奇異果沙冰
🍸金桔百香果梳打
