宋媽媽便當 (已結業)

長沙灣香港工業中心 一向都好多小店有好嘢食 今日試台灣野 有台式便當🍱湯麵拌麵🍜可以揀 午餐配杯特飲 但係留意只有外賣冇堂食㗎鋪面好細 眼望有四位員工 落單之後老闆娘教 下次可以用手機落單 🤣首次仲有$80優惠添仲有積分咭 兩個月內食滿六次就可以送一次 🤟今日天氣好熱冇咩胃口🧊揀咗涼拌雞絲冷麵 配冬瓜茶一打開見到色彩繽紛🍡配料好多 🍗雞絲大讚 係鹽水手撕雞 識落鹹鹹地 仲要唔係急凍雞胸 食到有軟骨位 肉質彈牙 唔似急凍貨色 手工拉麵煙韌🍴唯獨麻醬太多 令到個麵太濕 下次一定會叫少醬