郴州魚粉

营业中

休息中

郴州魚粉雖然不知名字點讀，不過已經係第二次幫襯，太子地鐵站行過去唔難搵，見到個咁靚嘅粉藍色門口就係，服務員話有三款招牌菜，招牌魚頭粉，上次食過郴州魚腩粉、酸酸地幾野味，今次就叫了栖鳳渡魚粉，有大中小辣選擇，叫左個小辣，飲一口湯味道不算太辣，湯底有胡椒香味，粉的質感好有趣，好有咬口煙韌，鍾意食魚的人一定大愛，因為魚肉鮮甜，冇腥味，大大件咬落啖啖肉，用筷子夾都唔會散晒，比起魚腩粉，尼個渡魚粉嘅魚更出色，如果鍾意食辣嘅人，叫個大辣加埋啖啖肉，一定好好味！價錢便宜，抵食！內裏裝修不錯，坐得舒服美中不足唯獨是其中一位男侍應生，態度似足唔願做但又被逼幫手嘅太子爺，唔太願意招呼你，唔係要求對客人下下展露親切笑容，但基本禮貌態度表現都應份有！