鐵板一 (裝修中)

銅鑼灣出咗名周圍都好多嘢食！至於今日我就嚟到銅鑼灣永光中心嘅bg steak & pasta食飯！呢間餐廳之前已經聽過朋友介紹話平靚正！今日一試，果然冇講錯，真係一間又平又好食嘅西餐！非常值得推介！我自己叫咗一份香辣激情墨西哥雞皇焗飯！咁大份嘅焗飯都只係$52😆😆喺銅鑼灣來講，呢個質素嘅焗飯，咁平民嘅價錢，真係好難喺其他地方搵到！另外呢個香辣激情墨西哥雞皇焗飯真係好正，呢個香辣嘅味道啱啱好，而且呢度嘅雞皇嘅份量都好多！呢個雞肉再配合埋呢個香辣嘅醬汁真係好正！食得好惹味👍🏻👍🏻朋友叫咗一份鐵板豬梅扒！都只係$88 ，亦都係性價比好高嘅款式之一！佢嘅豬扒都好林，而且非常入味！高質高質！