影片
更多
2020-03-08
108 浏览
喺朗豪坊行街嘅時候有時都會留意到呢間叫lab 10嘅燒肉店，最近見到門口有大大個牌寫住$248任食，覺得都幾吸引，於是就去咗食呢個任食嘅燒肉放題啦！除咗可以任食以上七款嘅肉之外，仲會有埋芝士薯條仲有一杯飲品，飲品可以選擇水果梳打或者汽水都得！而like左社交平台page嘅朋友仲可以送多碟海鮮添！首先嚟到嘅就有薯條，可以先將啲芝士熱融，然後將薯條點落用咗嘅芝士到食，就可以食到熱辣辣新鮮嘅芝士醬薯條啦！薯條本身冇乜調味，所以絕對可以食到純正嘅芝士味～另外仲有一份賣相精緻嘅沙律🥗當然唔少得就有一大碟肥牛啦，肥牛雖然係好薄嘅一片，但係牛味好重，而且仲有少少入口即溶嘅感覺，真係食好多都未夠喉！一場嚟到呢度又點少得同呢個拼盤打張卡呢～呢隻碟係用咗牛嘅身體做設計，有七個唔同嘅間隔放唔同肉類，特別推介喺中間嘅牛板腱，攤開出嚟係大大塊嘅牛肉，好易入口而且牛味好豐富，見到附近枱嘅人都encore左呢款！我飲咗嘅係蘋果梳打，佢冇平時飲水果梳打果種好死嘅甜味，而係有種淡淡的青蘋果香味，再配埋梳打水。飲落覺得佢落梳打水嘅比例較一般嘅水果梳打多，所以蘋果味唔算太突出，但係飲落味道都唔錯海鮮拼盤入面嘅海鮮亦都係好新
除咗可以任食以上七款嘅肉之外，仲會有埋芝士薯條仲有一杯飲品，飲品可以選擇水果梳打或者汽水都得！而like左社交平台page嘅朋友仲可以送多碟海鮮添！
首先嚟到嘅就有薯條，可以先將啲芝士熱融，然後將薯條點落用咗嘅芝士到食，就可以食到熱辣辣新鮮嘅芝士醬薯條啦！薯條本身冇乜調味，所以絕對可以食到純正嘅芝士味～
另外仲有一份賣相精緻嘅沙律🥗
當然唔少得就有一大碟肥牛啦，肥牛雖然係好薄嘅一片，但係牛味好重，而且仲有少少入口即溶嘅感覺，真係食好多都未夠喉！
一場嚟到呢度又點少得同呢個拼盤打張卡呢～呢隻碟係用咗牛嘅身體做設計，有七個唔同嘅間隔放唔同肉類，特別推介喺中間嘅牛板腱，攤開出嚟係大大塊嘅牛肉，好易入口而且牛味好豐富，見到附近枱嘅人都encore左呢款！
我飲咗嘅係蘋果梳打，佢冇平時飲水果梳打果種好死嘅甜味，而係有種淡淡的青蘋果香味，再配埋梳打水。飲落覺得佢落梳打水嘅比例較一般嘅水果梳打多，所以蘋果味唔算太突出，但係飲落味道都唔錯
海鮮拼盤入面嘅海鮮亦都係好新鮮～重點係只要like個page就有，唔使錢嘅嘢覺得特別好食！
值得稱讚嘅係呢度嘅爐頭設計係可以吸走啲燒烤嘅煙，做到無煙烤肉嘅效果，咁就唔使次次韓燒完都成大陣味咁行返屋企～
张贴
