影片
更多
2020-12-22
117 浏览
而家去食個拉麵都真係好貴，要成差不多$170一碗，但見一場嚟到又唔知食咩，即管試下啦！本身唔係好鍾意拉麵或者沾麵，因為覺得太濃味，好咸。但我叫嘅依個栗國鹽味拉麵講明食完都唔會口渴，啱晒我e啲怕太咸嘅人。另外依間餐廳食嘅拉麵種類都好特別，同埋好多辣味嘅拉麵。另外佢如果like咗個instagram就可以有秋葵或者果汁買一送一，因為怕食拉麵會口渴，所以就同朋友叫咗一支梨汁，一枝葡萄汁，佢係100%果汁無糖無添加，但都好甜，仲有果肉喺入面。個鹽味拉麵都好正，佢啲麵係半麥麵，所以比較乾身，但唔會好鞋身，不過就有啲難吸個沾麵湯底。至啲叉燒都係瘦叉同埋煎得比較乾身，初頭食會覺得好香，但食到第二塊就開始覺得有啲難咬，唔知係咪因為凍咗。至於個沾麵湯底，初頭仲諗住會唔會好似其他拉麵店咁要之後加湯飲埋佢，但其實佢一啲都唔濃，已經可以直接飲用，所以其實可以當拉麵咁食。佢做得好好，真係好清唔會令人覺得口渴，但同時亦夠味配合個麵同叉燒。環境方面，因為2人限聚，所以佢卡位之間落咗原有設計嘅屏風，但我做靠牆嗰邊我就覺得非常焗促，好似完全冇風咁。本來諗住冬天食碗熱嘢，但坐低咗咁焗真係食慾大減呢。
本身唔係好鍾意拉麵或者沾麵，因為覺得太濃味，好咸。但我叫嘅依個栗國鹽味拉麵講明食完都唔會口渴，啱晒我e啲怕太咸嘅人。另外依間餐廳食嘅拉麵種類都好特別，同埋好多辣味嘅拉麵。另外佢如果like咗個instagram就可以有秋葵或者果汁買一送一，因為怕食拉麵會口渴，所以就同朋友叫咗一支梨汁，一枝葡萄汁，佢係100%果汁無糖無添加，但都好甜，仲有果肉喺入面。
個鹽味拉麵都好正，佢啲麵係半麥麵，所以比較乾身，但唔會好鞋身，不過就有啲難吸個沾麵湯底。至啲叉燒都係瘦叉同埋煎得比較乾身，初頭食會覺得好香，但食到第二塊就開始覺得有啲難咬，唔知係咪因為凍咗。至於個沾麵湯底，初頭仲諗住會唔會好似其他拉麵店咁要之後加湯飲埋佢，但其實佢一啲都唔濃，已經可以直接飲用，所以其實可以當拉麵咁食。佢做得好好，真係好清唔會令人覺得口渴，但同時亦夠味配合個麵同叉燒。
環境方面，因為2人限聚，所以佢卡位之間落咗原有設計嘅屏風，但我做靠牆嗰邊我就覺得非常焗促，好似完全冇風咁。本來諗住冬天食碗熱嘢，但坐低咗咁焗真係食慾大減呢。
粟國鹽味沾麵
19 浏览
0 赞好
0 留言
张贴
