반찬앤쿡 Banchan and Cook (時代廣場) (已結業)

聞名不如食喇，今日終於有機會食到呢間岀名要排好耐嘅韓國餐廳。入面都好大，但真係太好生意，建議大家週末時段6點半左右好嚟。價錢合理蛋包飯係必嗌，店員會係你面前切開個蛋，嗚呀～好吸引，個蛋仲好香滑，配上炒飯就更夾。番茜海鮮蛋包飯（$158）- 有蝦、魷魚同青口，加上番茜醬好惹味燉牛肋骨蛋包飯（$162）- 估唔到牛肋骨份量咁大，仲燉得腍耐入味。燒醬油黑毛豬白切肉配大醬生菜（$182）- 個燒黑毛豬肉肥瘦分明，豬質彈牙入味，加上泡菜、生菜、蒜果同韓國醬一齊食就更fresh更有口感。清爽番茜無骨炸雞（$128）- 加上番茜醬點知個味咁夾，雞件唔單止大舊同肉質鮮嫩，仲炸得好juicy。雞上仲有炸到外表香脆，內入煙韌嘅年糕，好豐富。韓式雜莓牛角包窩夫（$92）- 牛角包窩夫真係滿足晒我兩個願望，有牛角包嘅鬆軟，又有窩夫帶煙韌感，加上甜甜酸酸嘅藍莓同士多啤梨就更有層次感。就算幾飽都必食！濟州綠茶咖啡（$48）- 綠茶加上咖啡也蓋唔住濃郁嘅綠茶味，仲有三粒煙韌嘅丸子，好睇又好食。蜜桃茶（$42）- 一放低已經聞到好香有好重蜜桃味。