八月堂 (已結業)

呢間台灣可頌係屯門新開，次次經過都見到超多人排隊，各種口味既可頌排得整整齊齊，香氣撲鼻，相當吸引，所以今次都忍唔著去試下。而家買五送一，所以就揀左六個。d可頌全部都係外皮酥脆，內裡柔軟又有少少煙韌既口感。松露白醬蟹味可頌一人限購一個，緊係要買返個啦～蟹棒、松露同芝士既味道融合得非常好，味道好特別。蘋果可頌既蘋果香超級濃郁，味道清甜溫和，入面既蘋果粒粒係可頌本身既口感之上又加左爽脆既感覺。木乃伊可頌個樣就好得意，本來以為為左做個樣加左糖霜會甜、味道可能唔好，結果佢個糖霜係檸檬口味，酸酸甜甜、超級好味。