鮨政 (已結業)

今日由早上開始去行山！行到腳都累！專登搭車出去醫下肚！係香港仔一帶行下街，順便睇下有咩好食！見到有一間係食日本野，門口有少量人排緊！見佢有人排隊！咁應該都唔差既！我都排埋一份 ！一黎到店員就比左杯茶！茶好醇！先介紹個壽喜燒式鍋烏冬先！味道同以前係日本食既質素一模一樣！烏冬同其他料都相對地多！壽喜燒真係好好食！海鰻天婦羅炸得脆卜卜！加埋佢個汁係一流！至於鰻魚玉子燒係我比較鍾情既！平時既玉子燒都無咁多料，加上平時又會食鰻魚！所以覺得特別好食，食落去暖暖地仲有溫度！吞拿魚黃瓜卷都係暖暖地！黃瓜既感覺好清新！值得讚既係食落去唔會散！包得好實！師父好有經驗食物質素來講真係唔差！如以我平時食開咁多間黎講！呢度都係好有水準食物👍🏽👍🏽👍🏽👍🏽👍🏽