影片
更多
2021-10-10
352 浏览
逢星期日都會去新蒲崗，平時多數係mikiki搵食。今日試下呢間期待已久嘅窩子， 1點4去到門口，已經排咗一條龍，入去攞飛之後繼續等，等咗超過30分鐘， 到兩點終於有得食了。 裏面其實唔多位，有啲2人坐咗4人座位，所以喺出面都等得比較耐，限時75分鐘。一路等緊嘅時候都搵下有啲咩推介，好多人推薦呢個 慢煮手撕豬腩肉窩夫三文治，平時好少食鹹嘅窩夫 ，都想試下佢有咩特別。落單之後十分鐘就上菜啦。 發覺餐廳嘅抽氣系統麻麻地，每次一煮嘢食就好大嘅油煙味，如果可以改善就好啦。♡慢煮手撕豬腩肉窩夫三文治♡窩夫外脆內軟，好厚身。慢煮豬腩肉有點鹹，要配埋窩夫先中和返。不過手撕豬腩肉又唔覺得好肥，呢個配搭都幾特別。 下次要試下甜嘅窩夫先。♡假日早餐♡餐牌係無寫有啲咩，原來都好豐富。中間好大份炒蛋，仲有啲熱氣飄出嚟添，好新鮮。煙三文魚份量超級多，一點都唔吝嗇，覺得好抵食 不過三文魚冇乜油脂，煙燻三文魚味好重。多士都好脆，中間有啲果仁同提子乾，口感豐富。乳酪係無甜味，啱哂我，裏面加埋啲脆脆嘅麥片，幾好味。 大啡菇嘅菇味好重，好juicy。腸仔唔係普通嘅廚師腸，係德國腸仔，外皮脆，唔會好鹹，不錯。沙律同埋秋葵都好
一路等緊嘅時候都搵下有啲咩推介，好多人推薦呢個 慢煮手撕豬腩肉窩夫三文治，平時好少食鹹嘅窩夫 ，都想試下佢有咩特別。落單之後十分鐘就上菜啦。
發覺餐廳嘅抽氣系統麻麻地，每次一煮嘢食就好大嘅油煙味，如果可以改善就好啦。
♡慢煮手撕豬腩肉窩夫三文治♡
窩夫外脆內軟，好厚身。慢煮豬腩肉有點鹹，要配埋窩夫先中和返。不過手撕豬腩肉又唔覺得好肥，呢個配搭都幾特別。 下次要試下甜嘅窩夫先。
♡假日早餐♡
餐牌係無寫有啲咩，原來都好豐富。中間好大份炒蛋，仲有啲熱氣飄出嚟添，好新鮮。煙三文魚份量超級多，一點都唔吝嗇，覺得好抵食 不過三文魚冇乜油脂，煙燻三文魚味好重。多士都好脆，中間有啲果仁同提子乾，口感豐富。乳酪係無甜味，啱哂我，裏面加埋啲脆脆嘅麥片，幾好味。 大啡菇嘅菇味好重，好juicy。腸仔唔係普通嘅廚師腸，係德國腸仔，外皮脆，唔會好鹹，不錯。沙律同埋秋葵都好新鮮。 呢個份量都幾抵食。
张贴
