麻辣風雲 (已結業)

去到等咗5分鐘位就入得，星期五晚嚟講人流唔算多，位置都乾淨同坐得舒服。酸菜魚，魚肉鮮嫩，酸菜醃製得剛剛好，酸酸地帶出魚嘅鮮味。湯底酸辣開胃，配合上寛粉、豆卜等等，味道層次豐富。炸饅頭外形好靚，好適合打卡，外層炸得金黃酥脆，饅頭內裡鬆軟又有嚼勁。炸饅頭配年奶非常好食、增添風味。又或者，你可以用炸饅頭夾住酸菜魚，加入一些蔬菜，製作成一個獨特嘅口感。最後叫咗麻辣炸蠔，蠔肉鮮嫩多汁，外面裹上麻辣粉，辣味爆發，不過有啲辣，同埋蠔幾有鮮味又唔會腥臭，好難得。