影片
更多
2019-04-11
291 浏览
老公今日約咗班判頭上總部開會，本來以為會搞到好晏，沒想到過程非常順利，會議提早完成，所以有人提議來新蒲崗接我放工，順便去 Mikiki 入面間「一田」行吓，然後再一起吃晚飯。雖然筆者調咗嚟新蒲崗上班已經有兩年半，但其實除咗晏晝之外，平日極少會在區內搵食，既然今次有人移船就磡，這晚就一於由我帶路去食餐好。其實想試公司對面這間西餐廳好耐，因為覺得店子的裝潢幾有特色，將主打的菜式全部寫曬喺門面，有扒類、意粉、三文魚、全日早餐等，非常 Sharp 醒，一目了然！店內地方不大，環境和設計略帶工業風，配牆身的趣味食物圖案和裝飾，還有門口的投影燈，氣氛十足。安坐後，先拿起店員送上的餐牌細看，食物分門別類，有前菜及小食、湯品、沙律、兒童餐及主菜，另外仲有一份飲品及甜品餐牌，項目以散點為主，不過主菜類加 $50 就可以轉為套餐，包是日沙律、餐湯、咖啡或茶，如果想轉沙冰或特飲，就要另加 $12-$25。 我揀咗香煎三文魚，而老公就點咗客天使麵，再將兩份主菜轉為套餐。好，馬上開餐。是日沙律為無花果雜菜沙律，沙律採用西餐常見的新鮮無花果，並且簡單地配以雜菜及醋汁。無花果味道芳香，似蜜般甜美，沙律菜很新鮮，入口
雖然筆者調咗嚟新蒲崗上班已經有兩年半，但其實除咗晏晝之外，平日極少會在區內搵食，既然今次有人移船就磡，這晚就一於由我帶路去食餐好。其實想試公司對面這間西餐廳好耐，因為覺得店子的裝潢幾有特色，將主打的菜式全部寫曬喺門面，有扒類、意粉、三文魚、全日早餐等，非常 Sharp 醒，一目了然！
店內地方不大，環境和設計略帶工業風，配牆身的趣味食物圖案和裝飾，還有門口的投影燈，氣氛十足。
安坐後，先拿起店員送上的餐牌細看，食物分門別類，有前菜及小食、湯品、沙律、兒童餐及主菜，另外仲有一份飲品及甜品餐牌，項目以散點為主，不過主菜類加 $50 就可以轉為套餐，包是日沙律、餐湯、咖啡或茶，如果想轉沙冰或特飲，就要另加 $12-$25。
我揀咗香煎三文魚，而老公就點咗客天使麵，再將兩份主菜轉為套餐。好，馬上開餐。是日沙律為無花果雜菜沙律，沙律採用西餐常見的新鮮無花果，並且簡單地配以雜菜及醋汁。無花果味道芳香，似蜜般甜美，沙律菜很新鮮，入口酸甜清爽，非常適合夏日享用。
是日餐湯為紫薯忌廉湯，湯品用上紫薯打成蓉，質感非常幼細，入口香甜滑溜，紫薯味勁濃郁。旁邊的香草包亦挺不錯，咬下鬆軟有彈性，帶淡淡香草味，用來佐紫薯忌廉湯，絕對是健康之選。
香煎三文魚配牛油果芒果莎莎 ($178) 接著送上，魚扒以一隻長碟盛載，魚皮煎至色澤金黃，加上外形非常厚身，煞是誘人。至於伴吃的配料就有薯蓉、粟米、西蘭花及一小兜餐廳自家製的牛油果芒果莎莎，用料絕不欺場。魚扒呈鮮橙色， 油潤亮麗，魚皮甘香脆口，而魚肉亦片片分明，肉質結實，食落鮮味十足，入口充滿魚脂香。旁邊的醬料亦做得非常出色，入口滑而不膩，加上粒粒芒果，所以吃起來多了一份甜香，令人食慾大增。
另一款主菜北海道帶子露筍天使麵 ($162) 亦非常之有睇頭，天使麵弄得剛好，煮得相當入味，入口不會過腍，能保持滑身亦有咬口，加上黑松露忌廉汁掛在條條幼嫩的天使麵上，令麵條吃起來散發著陣陣松露的幽香，滋味得很！至於面頭的北海道帶子亦很有水準，外表煎至金黃，不但肉嫩味鮮，而且肉汁豐盛，絕對是刺身級嘅高質素貨色。
跟餐的凍檸茶及凍咖啡
離開時見鄰桌點了份威靈頓牛扒，酥皮焗至色澤金黃，傳出陣陣牛油香，配菜有炸洋蔥圈和芝士薯蓉，非常豐富，賣相吸引，下次有機會會嚟試吓。
张贴
