九龍飯店

是日一年一度母親節，當然要帶媽媽食餐好啦～

聽朋友介紹近日旺角開左間新飯店，雖然價錢唔平，但環境舒適、食物屬水準之作，於是膽粗粗去試下～

一行五人食完，又真係好食喎😋，仲要服務好好！👍🏻

呢個超好食！柚子醬味道剛剛好，加上嫩滑帶子及底下的脆多士，真係好夾👍🏻

熱辣辣出爐，出色之作！比起香焗鵝肝和牛酥 ，呢個更得我歡心！

好香鵝肝味，同和牛好夾，外皮香脆！

味道都唔錯，多汁！

不得不說，呢到d點心整得出色，所有餃皮晶瑩剔透！呢個松露味香，不錯！

皮薄餡靚，size算大，蝦彈牙！可能我鍾意荀，如果有荀就更happy～

湯味道濃郁，餡味豐富，做得唔錯！

雖則話BB鮑，但其實唔算好細隻，夠彈牙！燒賣好味！

呢個好味到不得了…個皮炸到好脆，牛腩好香好嫩，仲要配個咖哩汁，出色之作！👍🏻

自家製豆腐整得好香，食得出好新鮮；上面更有紫菜，好特別！呢個餸食得好舒服！

飯店母親節有活動，仲送左盆花俾媽媽回家種，兼為我地一家影即影即有，攝埋落相框送俾我地留念，十分貼心❤️

總的來說，餐廳裝潢好有復古氣息，連埋餐具嘅揀選，睇得出好用心配搭過，而且坐得舒適，適合與親朋共聚談天。

食物用料、質素、外觀佳；至於員工服務亦不錯，笑容滿面，又會主動幫手👍🏻

今餐氹得媽媽好開心，俾到我地一家有開心嘅回憶，媽媽回家仲可以慢慢種花🤣～

之後會再幫襯！😊