粗店燒烤 (已結業)

旺角XX Arcade可以話轉型成功，變成搵食集中營。今日同朋友去旺角行街，行到肚餓就嚟到呢度搵食。我哋揀左地下一間食串燒嘅舖頭，名叫粗店燒烤，有啲掛住孜然粉同麻辣嘅味道。店入面坐得舒適，每張枱上面有個燒烤盤，用嚟整熱啲串燒， order就掃QR code，非常方便。食物種類都算多，但又唔會多到令你選擇困難，我覺得都唔錯。串燒方面，我哋叫咗五花肉、雞中翼、牛肉串、雞軟骨、腸仔、多春魚，佢哋份量都算多，以肉類黎講每一串串燒都有唔少肉㗎，所以都真係食得飽。肉類都非常新鮮，孜然粉嘅味道配上肉類真係一絕，而且佢啲肉唔肥，食多啲都唔怕啦！建議大家食嗰陣時，都係個燒烤盤上面燒一陣先食，因為熱辣辣更加好食！個人推介五花肉、雞中翼同埋雞軟骨，我覺得佢哋真係燒得好好食，非常入味！另外，我哋都叫咗烤原隻魷魚，魷魚大大隻，真係要展開嚟食㗎 ！而且佢燒到啱啱好唔會靭，我覺得呢個都係必點菜式。錫紙娃娃菜，又係好好味，因為佢落咗辣椒蒜蓉，食落去非常可口，味道豐富。另外麻辣燙我都覺得應該要叫，佢裏面有鴨血、蓮藕、菜、薯粉、豆卜等等，有得俾你揀大中小辣，我哋食少辣都唔會太辣。炸饅頭見到好多人都點，新鮮炸出嚟嘅饅頭，配