吱吱朕 (已結業)

之前有朋友介紹呢間位於中環Soho既酒吧，推介的並非酒類，而係鰻。魚。飯!終於有機會試一試，結果令人驚喜。因為通常做酒吧既食物水準只一般般。呢間吱吱朕可以話係有樣有水準。馬上去片睇睇有咩咁好食:1。包青天(原條鰻魚飯)$198好耐無食過原條鰻魚飯，呢條鰻魚肥美又夠冧，鰻魚汁唔會太少，飯軟硬適中(重要夠熱，有煙出，讚!)，很美味。不過依然會有點魚骨，怕骨既朋友可能會扣少少分，但總括係好食既! 2。朕(海膽三文魚籽拖羅飯)$288本身唔好海膽既我都忍唔住講個海膽好好味，係新鮮甜美既，唔淡口又唔腥。加埋中間隻蛋黃令成個飯好完美，中意既落少少豉油味道更豐富! 不過唔落豉油都已經好好味!3。生牛肉他他 $129呢間既生牛肉他他，牛肉唔算好嫩口，但入口唔會有渣亦唔諧口，個汁配上香葉同洋蔥，味道同生牛肉好夾。好食。4。燒明太籽蟹肉大啡菇 $58/件有期望無失望! 建議大家必試! 明太籽咸咸地帶少許辣，啡菇唔乾有汁，好好食! 價錢唔算貴。總括而言今餐每樣菜色都好好食，以酒吧黎講野食水準十分高。價錢未必好抵食，但你食完又唔會話佢收得貴，因為食得滿意同滿足~ 2個人4道菜約$700，Soho區來說不過不失