Lockeroom Dining (朗晴坊) (已結業)

食過朗晴坊唔少既餐廳，今次同阿媽試下呢間。冇諗過咁好生意，全部坐滿晒，等左一陣先有位。間餐廳仲係以足球為主題添，幾特別！我地每人叫左個DINNER SET首先有超正的蒜香牛油法包。好鬆軟又好香。沙律都好特別，用左個玻璃權裝住，好有神秘感。新鮮爽口，非常開胃。仲有是日餐湯，係食主食前暖下個胃。我叫左呢個香烤西冷扒拼法國鵝肝。好好味，份量十足。西冷肉質鮮嫩，咬感十足。配上鵝肝入口即化的口感，搭配恰到好處。配菜方面除左番茄和蔬菜，仲有紫薯添。絕對係多重享受！媽媽叫左呢個燒烤醬黑毛豬梅肉拼北海道元貝。賣相同樣十分精味，我試左少少，肉質同口感都好正。仲有餐飲。好飽好滿足！