熨烤達人 (已結業)

呢間韓燒叫熨烤達人，位於旺角，地點方便，於是約埋朋友收工黎食返餐。餐廳內佈置幾特別，有點像地鐵車廂，又帶點懷舊的感覺同其他韓燒店相比，呢到除左燒烤外，仲有好多款熟食。燒烤前，有幾款前菜提供，好似泡菜，蘿蔔等等，仲有可以煮爐邊蛋，於蛋內加入泡菜加芝士，真係勁好味。藍莓soda，大大杯，只要like facebook就會免費送一杯野飲👍🏼豬頸肉賣相成朵花咁，肉質鮮美，推介👍🏼，而且職員好熱心，成日黎幫我地烤肉。大園手攪飯，其實係類似沙律飯，裡面有吞拿魚，魚子，青瓜絲，比想像中大份，黎到的時候仲諗住點食，原來有對手套俾你，用手攪拌來食，好貼心附有兩個雪糕筒，將攪好的飯放入雪糕筒，又有另一番風味。小朋友見到應該好開心，好開胃。總括來講平均每人只係食咗百幾蚊，幾抵食又滿足。