南洋麵屋 (已結業)

今日同老婆撐枱腳, 老婆話想食喇沙, 當然無得 say no 啦, 即刻上網 search 下附近邊到有,揾到間未食過既「 南洋麵屋 」。晚飯時間，餐廳都幾多人。一坐底即刻揭開menu睇睇先，食物款式唔少, 價錢經濟實惠。本來想叫個小食拼盤,  有蝦餅, 春卷, 炸雲吞, 雞翼, 樣樣有, 好豐富, 不過得2個人, 又怕食唔哂....最后叫左老婆指定既喇沙, 蒜香牛油雞翼, 肉碎生菜包, 涷泰式奶茶。每次食東南亞菜，我都會叫蒜香牛油雞翼，呢間做得很不錯！牛油蒜味撲鼻而來，炸得金黃色，鷄翼香脆可口，完全沒有過多既油膩，非常惹味！真係食完一隻又一隻！而且價錢一d 都唔貴，只係$58 就有4 隻，非常推介！！重點菜係老婆點既喇沙，湯底味道很濃郁，椰味適中，大蝦新鮮，粉條幼滑，各方面都好平均，好味！值得再光顧！