芝樂坊餐廳

為咗慶祝呀妹生日，我哋一行6人去到Cheesecake Factory度食晚飯。一如所料六點半開始門口已經大排長龍，最後等了差不多個半鐘先能夠成功入座。餐廳嘅設計（例如：卡位，天花等等）都非常有美國特式，大家除咗掛住食嘢嘅時候都可以留意下。侍應嘅態度良好，會耐心同你介紹餐牌上嘅食物。落單後會送上餐包，但我個人建議食小小就夠。一來啲麵包太硬，二來味道一般，如果因為食麵包食飽咗就唔抵啦。我哋叫咗唔同嘅菜式有factory chopped salad, fish&chips, grill fish tacos, lime cheesecake 同pasta carbonara, etc. 整體嚟講，味道above average 面且份量都比一般嘅西餐多，所以我地都食得好飽。加上，更會有侍應同你一齊唱生日歌慶祝，所以都幾適合大班人食生日飯。蛋糕方面，強烈建議大家試下個lime cheesecake! 雖然入口好酸，但配埋啲 cream食就非常之特別，酸酸甜甜啱晒夏天食。餐牌上仲有好多野都未試，都是一間值得再去的餐廳。不過，希望下次唔使等咁耐！