L' Tea Room (已結業)

一行二人，朋友回港，想搵間可以傾心事嘅cafe, 又想食下afternoon tea, L ' Tea Room正合心意！ 已經早於半個月前訂位，雖然早到左20分鐘，店員都好好咁比我地入座。坐底嘅時候周圍都未有人，環境好寧靜，店員遞上餐牌，我揀左玫瑰花茶，朋友揀左士多啤梨茶，我地都有互相試對方嘅茶，玫瑰飲落有陣陣嘅花香; 士多啤梨酸酸地，可以醒胃，兩種味我都覺得唔錯，原來飲完仲可以加茶加水！ 甜品黎到......真係眼前一亮！ 店員放底甜品架後，禮貌地提出可以幫我地同甜品架影相，真係服務周到，難得有人主動問，終於唔駛自拍，我地梗係覺得機不可失，一口答應！影完合照，就到甜品架嘅獨照...一見到有羊造型嘅蛋糕仔，就覺得店家真係好有心思，用"羊"蛋糕迎接新年！甜品架上不論鹹甜都好好味！先講底層食物，碎蛋撻配搭新穎，我係一個本身鍾意食碎蛋又鍾意食餅皮撻嘅人，所以我一定覺得好好味，不過...食嘅時候有少少麻煩，因為哩兩樣野都係易碎食物。底層一定要講下巴馬火腿配哈蜜瓜...食落口唔會太鹹又唔會太甜，份量比例剛好！第二層一定要讚嘅係，朱古力慕絲，食落口尚算滑身，最緊要嘅係...味道..