影片
更多
2008-07-31
18 浏览
7月30日 之前係雜誌見到有呢個餐, 好似幾吸引, 又遇正約媽媽食飯, 所以一行三人去試下~一入到去已經聽到好歡迎我地嘅聲音, 感覺非常好, 商量後叫左一個二人餐及幾款小菜:1. 濃湯大碗翅 (餐): 湯幾甜, 都算多翅, 不過係裙翅 (用$38加左一碗, 即共三碗)2. 紐西蘭烤羊鞍(餐): 好硬又好乾, 令我羊痴好失望, 係全晚最失敗之作(因為我唔食牛的)3. 美極澳洲大花蝦(餐): 蝦好爽口, 好食, 但美極味可再濃些就更香口4. 玫瑰鼓油皇乳鴿(餐): 我好鍾意食乳鴿, 比較偏愛炸鴿, 不過呢個的味道都幾好, 甜甜地的鼓油味, 可惜隻鴿偏細無咩肉食, 原本想加多隻, 但已經好飽5. 金瓜蝦干泡菜苗(餐): 有湯浸住令菜更鮮甜, 但食到落底就會咸左少少 (可能因我地無食飯)6. 生磨蛋白杏仁茶(餐): 好好味, 我平時唔食的, 但今次食左兩碗 7. 蠔油皇柚皮: 一上枱個賣相已經勁吸引, 正當我同男友想一啖咬落去時, 阿媽問點解會酸? 即時問經理, 佢即時幫我地取消左, 仲話今日柚皮可能未出西味, 勁同我地講唔好意思… (好彩我咬左一下, 男友就話咬都未咬, 無得試…慘)8. 大
之前係雜誌見到有呢個餐, 好似幾吸引, 又遇正約媽媽食飯, 所以一行三人去試下~
一入到去已經聽到好歡迎我地嘅聲音, 感覺非常好, 商量後叫左一個二人餐及幾款小菜:
1. 濃湯大碗翅 (餐): 湯幾甜, 都算多翅, 不過係裙翅 (用$38加左一碗, 即共三碗)
2. 紐西蘭烤羊鞍(餐): 好硬又好乾, 令我羊痴好失望, 係全晚最失敗之作(因為我唔食牛的)
3. 美極澳洲大花蝦(餐): 蝦好爽口, 好食, 但美極味可再濃些就更香口
4. 玫瑰鼓油皇乳鴿(餐): 我好鍾意食乳鴿, 比較偏愛炸鴿, 不過呢個的味道都幾好, 甜甜地的鼓油味, 可惜隻鴿偏細無咩肉食, 原本想加多隻, 但已經好飽
5. 金瓜蝦干泡菜苗(餐): 有湯浸住令菜更鮮甜, 但食到落底就會咸左少少 (可能因我地無食飯)
6. 生磨蛋白杏仁茶(餐): 好好味, 我平時唔食的, 但今次食左兩碗
7. 蠔油皇柚皮: 一上枱個賣相已經勁吸引, 正當我同男友想一啖咬落去時, 阿媽問點解會酸? 即時問經理, 佢即時幫我地取消左, 仲話今日柚皮可能未出西味, 勁同我地講唔好意思… (好彩我咬左一下, 男友就話咬都未咬, 無得試…慘)
8. 大蒜日本遼蔘:有鑊氣, 好食兼低食$58, 男友同阿媽都好鍾意食o的大蒜
9. 薑蔥加拿大桶蠔煲: 味唔錯都食到係桶蠔, 但蠔超細又勁少$118, 十分唔抵食
10. 鼓汁抄香芒螺: 查實香芒螺個外殼似蜆, 肉似迷你北寄貝, 食落又真係好鮮甜, 都可以一試$58
11. 花膠蒸豆腐: 用咸蛋黃做汁, 比較一般, 唔值得試!
12. 龜苓膏: 媽媽話食得出真係自家製的, 但當然杏仁茶好味好多…
總括以此價錢, 有翅之餘仲食好多嘢, 雖然份量細細, 超讚係服務真係好好…(係有個肥阿姐比較木口木面)
我係好怕去酒樓晚飯的人, 因為酒樓服務好極都係好難令你感到有賓至如歸的感覺,
不過呢度真係做得好好, 令人好舒服, 嘢都食多左, 加分不少~都會再去~
张贴