喜咖哩 (已結業)

難得嚟到屯門，朋友帶我黎到屯門景峰輕鐵站附近新開既餐廳食日本咖喱，呢間餐廳主打咖哩菜式。餐廳門面非常易認，黑色外牆同隔離鋪頭形成強烈對比。餐廳除左主打咖哩飯菜，仲有其他食物可以選擇，例如番茄湯。我同朋友一共叫左咖哩羊腩飯，蕃茄湯豬頸肉加一份薄餅。咖哩羊腩飯分量足夠，我本身份人大食都夠飽。咖哩味偏甜亦非常濃郁，送飯一流。羊腩肉唔會太硬，夠軟稔，整體上不錯。溫泉蛋味道唔差，自己鍾意食既都可以一試。至於蕃茄湯底味道濃郁入味，而豬頸肉內軟外脆，分量亦多，絕對抵食。最後就係薄餅，薄餅外層稍為香脆，本身夠味道，唔點咖哩食亦可，不過識食一定係點咖哩食。整體黎講食物份量夠，味道出色，期待下次嚟有更多唔同既菜式！