影片
更多
2021-08-18
95 浏览
東涌，香港其中一個最角落嘅地點。基本上到訪呢片地方嘅原因不外乎入機場，去Outlet購物或者係居民回家。過去兩年受疫情所困，完全冇機會可以離港。經常出沒九龍區嘅我當然甚少到訪東涌。剛好朋友知道東涌喜來登酒店有一家西餐廳嘅Dry Aged牛扒十分出色，於是就結伴同行一齊去到山旯旮咁遠去試試係咪咁堅。穿過酒店，嚟到一樓平台嘅門口，餐廳搶眼嘅黃色Logo好難令你搵唔到。到達餐廳剛好撞正黃昏時分，侍應安排我地入座近窗口海景位置，Happy Hour嘆住Prosecco同餐前麵包，再慢慢睇住咸蛋黃慢慢落下，情調滿分。餐前麵包煙韌而且食出啖啖幽香嘅麵粉味，可見餐廳係細節上誠意十足。牛油香而不膩，配上意大利黑醋同橄欖油，餐前小食令人滿意。生牛肉他他前菜有呢個就一定必點，雖然菜式看似簡單但製作過程非常講究。而呢份牛肉他他嘅肉質鮮嫩而且唔多筋。味道方面牛味唔會太濃，而且可以配上不同嘅配料。個人最愛組合係紫洋蔥碎。濕式熟成紐約客牛扒 配 英式辣根醬初嚐Wet Aged牛扒，侍應推介5成熟。餐廳果然喺處理牛扒方面有一手。大廚能夠係封鎖肉汁同時又做到不會overcook。而濕式熟成嘅牛扒牛味較清淡，主要係肉汁
東涌，香港其中一個最角落嘅地點。基本上到訪呢片地方嘅原因不外乎入機場，去Outlet購物或者係居民回家。
過去兩年受疫情所困，完全冇機會可以離港。經常出沒九龍區嘅我當然甚少到訪東涌。剛好朋友知道東涌喜來登酒店有一家西餐廳嘅Dry Aged牛扒十分出色，於是就結伴同行一齊去到山旯旮咁遠去試試係咪咁堅。
穿過酒店，嚟到一樓平台嘅門口，餐廳搶眼嘅黃色Logo好難令你搵唔到。
到達餐廳剛好撞正黃昏時分，侍應安排我地入座近窗口海景位置，Happy Hour嘆住Prosecco同餐前麵包，再慢慢睇住咸蛋黃慢慢落下，情調滿分。
餐前麵包煙韌而且食出啖啖幽香嘅麵粉味，可見餐廳係細節上誠意十足。牛油香而不膩，配上意大利黑醋同橄欖油，餐前小食令人滿意。
生牛肉他他
前菜有呢個就一定必點，雖然菜式看似簡單但製作過程非常講究。而呢份牛肉他他嘅肉質鮮嫩而且唔多筋。味道方面牛味唔會太濃，而且可以配上不同嘅配料。個人最愛組合係紫洋蔥碎。
濕式熟成紐約客牛扒 配 英式辣根醬
初嚐Wet Aged牛扒，侍應推介5成熟。餐廳果然喺處理牛扒方面有一手。大廚能夠係封鎖肉汁同時又做到不會overcook。而濕式熟成嘅牛扒牛味較清淡，主要係肉汁鮮嫩，而且肉質較有彈性。侍應亦推介呢份牛扒配返英式辣根醬，清香中又帶一點辣勁，味道亦平衡唔會太搶牛扒嘅香味。
熟成安格斯肉眼扒 配 阿根廷青醬
熟成肉眼扒係一定要試！經21-30日嘅熟成處理，牛扒已經有一定程度嘅自然熟成，所以我地order咗3成熟。砌開牛扒，已經感受到牛扒嘅幼嫩，由於係熟成處理嘅關係肉汁會偏少。呈粉紅色嘅肉色已經憾動咗我地兩位牛魔王。熟成牛扒另一優點係牛味香濃，而不用烹調太耐就可以做到味濃肉嫩。阿根廷青醬以清新嘅味道襯托肉味香濃嘅肉眼扒，平衡做得非常好。
牛扒配菜 烤原條粟米
每份牛扒都會有配菜，烤原條粟米絕對係誠意之作。三隻字講哂：香、甜、脆！
牛扒配菜 炒時蔬
食咗咁多肉都要食返啲菜balance返，炒時蔬用加熱嘅熱煎鍋呈上，啖啖都充滿鑊氣。
意大利手工全蛋幼扁麵
由於係手工嘅幼扁麵，食得出好香嘅蛋味，質感較硬而且彈牙有嚼勁。風乾鹹豬肉粒配上雜菌，口感豐富
後記：
用餐後都有同朋友討論，The Upper Deck可以話係一間回頭率高嘅餐廳。餐廳嘅情調、環境同氣氛都係比想像中更有驚喜。呢度值得同三五知己飲返杯Chill一個下午，餐廳入面會有美式桌球提供。愛牛之人更可以參觀佢地嘅熟成風櫃，隔住度門都流哂口水。
张贴
