麻辣風雲 (荃碧大廈) (已結業)

上次午餐過嚟食米線，今次夜晚就真真正正食酸菜魚😆酸菜魚🐟魚肉比較薄身，質地嫩滑無骨，啲魚多到食唔晒😂一大盤的酸菜魚，除咗魚之外，仲有好多配料例如係豆卜、萵筍、秀珍菇、芽菜、寬粉。底下有好多寬粉，質感Q彈。湯底清澈，食得出唔係用cheap cheap酸菜，味道唔會過鹹。炸饅頭💯必點😎香脆內軟，炸到金黃色，成隻船上好大陣象，仲要有煙出🤣點左煉奶食，好好味，不愧為招牌菜。除咗煉奶之外，今次仲有啲新嘢，可以點朱古力醬、花生醬或者抹茶醬，但係我個人都係最鍾意煉奶🤣螞蟻上樹🐜可以自選辣度、麻度，我揀咗小辣小麻，辣辣地好過癮，炒得好乾身入味，有鑊氣！黑糖糍粑 💯好好食既甜品！可以就黎食個陣先叫上碟，咁就可以趁熱食，糍粑好軟糯，口感煙韌，配上黑糖漿同黃豆粉食好好味😋椰汁冰🥥食咗啲辣野之後配椰汁冰，好爽！