女人街食飯公司

营业中

休息中

食物、環境、服務都是中上的一間餐廳，難怪有咁多人排隊！成餐飯點了蝦多士、招牌瑤柱雞、臭豆腐、椒鹽鮮魷、蓮藕餅、臘味豬油煲仔飯蝦多士，配咗黑松露醬，我就麻麻哋鍾意……因為佢用嘅係蛋黃醬，所以味道偏甜……而且佢嘅麵包底，是用丹麥麵包，所以吸油比較多……向上去油膩感婆重……不過，佢嘅蝦很新鮮，頗為彈牙，算是不過不失！瑤柱雞的賣相不錯，雞肉都嫩滑，可惜的是蔥仔頭都已經淋了，沒有爽脆的口感。臭豆腐比一般街上面買的細件，但是風味卻是一樣，連配搭的甜醬及豆瓣醬都一樣，非常有風味！好吃！椒鹽鮮油和蓮藕餅都是一般味道，沒什麼賣點！但是，臘味豬油煲仔飯，卻做得很出色！臘味切得非常細粒，用作撈飯，飯裏加入豬油，配合煲仔飯的甜豉油，非常能夠突出豬油的香味，而且煲底的飯焦，亦沒有太硬，脆口適中，非常好吃！特別值得一提的是……他們的服務很好，雖然感覺是上樓大排檔，但是，他們會一直幫你碗碟，又會推介食物，服務殷勤，服務比得上大酒樓。