越發地道河內料理

营业中

休息中

見到網友對呢間食店既食評咁好，所以一直都諗住要試下，睇下係咪真係咁堅先！叫了牛柳牛丸粉、河內蕃茄蟹糕檬、牛油雞翼同一杯柑桔梳打。牛柳牛丸粉，湯底清甜，D牛柳牛丸好食，配上青檸同辣椒，但唔明點解配埋碎上油炸鬼，D油炸鬼又唔脆，話索埋D湯一齊食，有D無謂！河內蕃茄蟹糕檬，因為見到只限星期六日供應咁矜貴，所以咪試下囉，OK la，唔係特別好味道！牛油雞翼，好好食，一碟得3隻，真係唔夠，但$75確係有D貴！柑桔梳打，正正常常！間野的確係唔錯既，仲要不收加一，但真係要預時間排隊等位，12點開舖，11點30分門口已經有好多人等緊！