前家樂餐廳火鍋店 (已結業)

今日同朋友去完奧海城睇完戲之後，大家心郁郁想去食雞煲，之後係附近搵到呢間火鍋店好似唔錯咁，跟住就同左朋友去食。餐廳乾淨同整齊，坐低之後即刻叫左個麻辣雞煲半隻，都係138蚊，份量十分足夠。雞好入味，而且又香，食起上黎都覺得比較嫩滑，相當唔錯。之後叫左優質雪花肥牛肉、日本蠔、海蜆、醬爆芝心丸同大生菜，本人極力推薦雪花肥牛肉同生蠔，雪花牛肉口感嫩滑，好好食。而日本蠔就非常鮮甜，而且蠔十分大隻同新鮮。而芝士丸一咬落去入面既餡就流出黎，都幾唔錯。生菜冇爛同色澤均勻。同朋友食完之後都覺得整體唔錯，份量十足，價錢ok，而且地方乾淨同侍應都好禮貌同服務周到，下次有活動一大班人再去食過，值得再食過。