福岡.烏龍魚男 (已結業)

見網上同雜誌賣廣告賣得好行，於是就去一試，抱著平常心去，結果喜出望外，有驚喜，以往出面d餐廳既刺身好多都話係日本直送，但食落其實真係食唔出，呢間唔同，d刺身真係入口即溶(誇張左小小，唔知點形容)，又唔會食到有筋，嗰感覺係好似喺日本食緊刺身咁，完全唔覺係香港可以食到呢d質素，或者我去得小d貴價餐廳食嘢啦，但以咁既價位食到咁既質素，仲有乜好講。另外有welcome drink都要一讚。唯一係安排座位方面差，明明book左枱都要搭枱，搞到同隔離對情侶勁尷尬，大家都冇乜點講嘢，後尾見bar枱有位先叫侍應幫我地調位，不過可能係本身設計問題，好似冇兩人枱，全部4人枱，一係bar枱。