山景閣

营业中

休息中

今日去到尖沙咀仕德福山景酒店食自助晚餐，山景閣位於尖沙咀地鐵站5分鐘步程，所以好方便就腳！而且睇過食評覺得呢度座位闊落，好啱一班人傾計聚會嘅地方！一入酒店的左手邊就是自助餐的入口處，好容易可以搵到！一入到去見到座位分開兩邊，我哋特意選擇距離食物較遠的位置，傾計都方便啲，寧願行多幾步去攞嘢食！每人期間限定會贈送一隻蒜蓉粉絲蒸帶子，帶子鮮甜爽口，加上粉絲蒜蓉，好食！冷盤方面，山景閣有生蠔、長腳蟹、凍蝦、青口，長腳蟹肉質鮮甜多汁，海鮮味濃！生蠔大小適中，肥美！食完冷盤生蠔之後，我哋發現咗忌廉芝士焗蠔，同樣很美味，芝士可以拉絲添架！熱食方面包括辣酒煮東風螺、蠔仔肉碎上湯粉絲、福建炒麵、避風塘風味炒蠔、醬爆豬爽肉配翠玉瓜、意大利拉絲芝士焗豬扒和金菇瑤柱扒時蔬、紅酒會牛尾和咖喱大蝦而擺放喺另一邊嘅海南鮮雞和滷水牛展水準超出色！雞嫩牛爽！甜品方面有雲石芝士餅、芒果布甸、綠茶荔枝慕絲餅、香蕉冰卷、士多啤梨慕絲、鮮蘆薈椰汁糕等等，甜品種類選擇非常多，甜品控記得亦不能錯過！飲品方面有鮮果汁、啤酒和冷熱茶和咖啡可以選擇！而飲品旁邊就是雪糕，呢度嘅雪糕係Dreyers小杯裝雪糕🍦和維記雪米磁！