漁釧 (V Walk)

营业中

休息中

今日陪朋友睇完新樓盤示範單位，之後去V Walk商場行下，途經這間餐廳，印象中，在將軍澳分店光顧過，味道不錯，於是推介朋友入內光顧。餐廳內有bar枱及卡座，地方尚算寬敞，室內嘅設計以日式漁船嘅木調為主，每一角落都放置左特色嘅擺設或圖畫，客人如坐bar枱更可以近距離欣賞廚師嘅刀功，餐廳服務員亦有禮，樂於主動回應客人需要。餐牌設計精美，一打開餐牌，見到好多食品都好吸引啊！最後，經過一輪相討，我們倆點了以下食品：-🔸刺身5點刺身新鮮、厚切肥美，加上擺盤精緻，絕對是視覺跟味覺嘅一大享受！🔸極上刺身魚湯漬飯湯漬飯嘅湯同飯分開上，魚湯嘅溫度適中，魚湯同日本飯粒混合一起食嘅時候，口感幼滑，刺身中，海膽同蟹肉特別有驚喜！🔸粟米天婦羅朋友特別要求這款，粟米粒跟粉漿連在一起炸，粟米香甜而不油膩，簡單嘅食材，卻帶出溫暖嘅感覺。🔸海蝦天婦羅蝦肉爽口彈牙，味道鮮味！🔸金菇牛肉卷好耐無食過咁「實在」嘅金菇牛肉卷喇！牛肉包住一大束嘅金菇，唔會好似平時見到牛肉同金菇分離嘅畫面，好感動，食完覺得好幸福！總括嚟講，值得推介！