極上冰室

营业中

休息中

如果夜晚唔出街食飯已經係新嘅常態，最值得保留既一定係茶餐廳同中式小菜。無論想攞外賣返屋企，定係想簡單談下心，舒服坐下，又唔駛貴，一間好質素既小菜餐廳都做得到。我鍾意呢度既空間感，的位舒服，中間走廊又夠闊。🍖二人餐一啲都唔貴，百幾蚊兩個人，有湯有飯有野飲，小菜款式又多，質素又好。蜜汁薯仔牛肉，炸過嘅薯仔，size切到同牛肉一樣，牛肉外層刻意煎得乾身，咁樣兩樣材料都可以輕易咁掛上蜜糖，蜜糖既甜味，因此可以發揮得更好，帶翻薯仔既香，同牛肉味。🍖鹹魚炒白菜仔，白菜仔鮮嫩而且翠綠，鹹魚切碎，同白菜一齊炒，所以啖啖有咸香，而且以上足見火候控制得非常好。🍺夜晚飲一杯紅豆冰，邪惡得黎又治癒，甜甜又綿滑既紅豆，為一日辛勞嘅工作加上一份甜。✨️最後叫一個咖央西多士，與其係下午茶時間狼吞虎咽，不如輕輕鬆鬆坐係度慢慢嘆。咁難得夜晚都有西多士，而且仲整得咁靚咁厚身，咁嘅飯後甜品冇得唔食啦！