🥢碗仔翅 $22
呢個價錢都算大碗，入面仲要超足料💯：肉絲、木耳絲、冬菇絲同埋粉絲，食落啖啖肉，加少少麻油同埋醋就夠哂味😋
🥢家鄉粉果 3粒/$12
每個都好大粒，粉果皮軟熟煙韌，唔會蒸過龍，餡料亦都係非常足，咬落去爆哂出嚟，正👍🏻
🥢魚肉燒賣 5粒/$10
食落唔會一口粉既感覺，咬落有小小彈性，加埋豉油同辣椒油🌶好味道！
🥢咖喱魚蛋 5粒/$10
咖哩味好香濃👍🏻口感夠彈口，又有魚香味😋食到停唔到啊🤩
我終於明白點解咁多人排隊啦，排咁耐係值得嘅💪🏻本身想買埋生菜🥬魚肉，但排到我嘅時候已經賣晒啦😭下次要早啲排！
