魔膳廚房 (已結業)

魔膳廚房係觀塘都開咗好一段日子，如果以前係觀塘食lunch要$60-70真係幾貴，但周圍都加晒價要$50-60又唔算好食，魔膳相對真係抵食鴨胸意粉，原條焗，好香，咁厚肉整到軟身又唔生真係厚切豬扒，第一次食好淋軟，一啲都唔鞋，個汁又好味，不過食完後，隻碟好多油，但真係食得是福，唔好理啲油啦！芝士豬肋骨份量好大，上枱時好香，BBQ source味好重，肉可完全離骨不過咁大塊芝士，但芝士味較淡。另外，點咗個黑松露雜菌意大利飯，外表比其他菜式較平凡，但，但，但原來係咁多樣之中最好味因爲覺得意外地好味，無補影相就食晒，味道好贊，但如果想食到意大利飯正中心硬，佢呢個唔係，不過都係食到粒粒口感，我個人較喜歡呢個熟飯嘅質感。主菜分星期一三五，同星期二四六兩set不同食物連飲品，加錢可選湯或湯連任食沙律吧，主菜咁大份都食唔落個沙律。可加錢轉飲玫瑰菠蘿soda，朋友飲咖啡，都幾香，另外凍檸茶都好清唔會苦澀，如果喜歡茶餐廳過種濃紅茶，呢到唔係，但我就是喜歡佢清香不苦澀味道，我習慣走甜飲。