九記牛腩

营业中

休息中

今日特登出中環就係為左黎食九記牛腩，因為聽左好耐佢好出名，好多人評價都好好，心思思一直想搵日放假黎食！去到中環，搵路搵得好辛苦😂去到門口之後發現大排長龍，仲好多都係遊客～我地等左大概半個鐘就入得。1 ：招牌上湯牛腩上湯係清清淡淡但又浸透住淡淡的牛味，牛腩有小小肥，肉質唔會老，幾好食～份量可能對男仔黎講會小左d，但女仔黎講應該啱啱好～2 ：咖喱牛腩本身係因為唔想2個人都叫一模一樣而揀左叫呢個咖喱牛腩，點知！！好有驚喜！咖喱好惹味好濃味，辣辣地牛腩都好入味，排隊都值呀～會再黎食