頭盤叫咗蜜柑鯛魚，魚肉鮮甜配上蜜柑汁，非常清新。另外叫咗韓式生牛肉他他配上西米脆片，牛肉新鮮，配埋韓式辣醬，味道帶少少酸，非常開胃。
小食方面，就叫咗炸和牛波波，口感其實似可樂餅，不過係迷你版。另外叫咗韓式燒羊頸，羊肉味非常之濃，所以配埋紫蘇葉會比較好食。
另外，職員推介紅蝦紫菜夾餅同海膽拖羅紫菜夾餅。比較喜歡食膏嘅人，比較推薦紅蝦嗰款。
最後當然係必食嘅左口魚煲，魚油味非常之濃，連埋飯焦一齊食，非常惹味。仲有今晚特別推介嘅冷麵，但棉質偏硬。
整體嚟講，價錢OK ，食物質素都唔錯。唯一唔好就係要好早之前預約先有得食。
2
1
1
