易記 (已結業)

個日入大埔老人院探婆婆,行過舊墟, 老公話想食糖水, 本來我唔多好糖水, 但經過易記, 見裝潢幾整齊, 幾新, 於是入去試試啦。樓面姐姐係年青少女,好好笑容和禮貌, 我地問佢有什麼介紹, 佢推介陳皮燉雪梨, 另外有小食桂花拉糕。我地另外再叫了蛋白杏仁荼及芒果卷。陳皮燉雪梨和桂花拉糕都幾有新意, 陳皮燉雪梨我個人覺得較甜, 但係我老公就話味道剛剛好。桂花拉糕就一致讚好。蛋白杏仁荼及芒果卷則水準一般。一路食, 見很多食客叫很多小食, 我估都應該幾得既。最特別是有鴨舌食, 20元有交易,唔係度度有。重有呀, 我同個樓面姐姐傾左幾句, 原來係幾個年青人創業, 值得鼓勵, 下次再試其它先。