易記 (已結業)

見佢好似係新開，昨晚來了一試熱芝麻糊。第一唔好的是不夠熱，第二是馬蹄粉太多，第三是有芝麻色而欠芝麻香，最後是勁甜，一碗中下質素的芝麻糊要買$14，物非所值。

個日入大埔老人院探婆婆,行過舊墟, 老公話想食糖水, 本來我唔多好糖水, 但經過易記, 見裝潢幾整齊, 幾新, 於是入去試試啦。樓面姐姐係年青少女,好好笑容和禮貌, 我地問佢有什麼介紹, 佢推介陳皮燉雪梨, 另外有小食桂花拉糕。我地另外再叫了蛋白杏仁荼及芒果卷。陳皮燉雪梨和桂花拉糕都幾有新意, 陳皮燉雪梨我個人覺得較甜, 但係我老公就話味道剛剛好。桂花拉糕就一致讚好。蛋白杏仁荼及芒果卷則水準一般。一路食, 見很多食客叫很多小食, 我估都應該幾得既。最特別是有鴨舌食, 20元有交易,唔係度度有。重有呀, 我同個樓面姐姐傾左幾句, 原來係幾個年青人創業, 值得鼓勵, 下次再試其它先。

我本來係大埔如果食親糖水都會去個間彩虹既，但哩期係大埔食過哩間易記，就冇再去食彩虹~原本都係食糖水甜品，次次都必食，香芒黃金卷、柱花紅豆糕、桂花拉糕同埋楊枝甘露、同埋雪裡紅既。食食下就好多小食都想食~包括鴨舌、wasabi雞翼、炸魷魚鬚、泰豬頸肉、哩ｄ都係我既推介，其他我都未食過既等其他人食評啦～應該都有番咁上下水準！

我諗易記唔係咁早開．．．不過實則幾點開我唔知～我夜晚間中都會去～次次諗住食糖水，但係最後都叫左一大堆小食～推介ＷＡＳＡＢＩ雞翼，椰汁紅豆糕，吉烈豬扖，撈公仔麵等等～～

我在附近學校就讀，lunch有時想來吃，卻常常不開，不知原因是什麼....這裏的麵算不上很好味，很普通，公仔面+餐肉/腸等等，但咖哩雞亦撈面很好味!!!不會太辣，很配合面條，雞亦也炸得很好。另外，豬頸肉也十分美味，厚薄適中，炸得很香，色澤均勻!!!!絕對推介豬頸肉!!