軒寧樓 (已結業)

今日同同事去試新餐館。餐館在堅拿道天橋附近，非常易揾。一行四人，要咗兩個時令孖寶，同埋散叫咗一個餸。等咗冇耐，就上菜啦，上菜時間都好滿意。清湯安格斯牛腩非常唔錯，牛腩又冧又滑，啲湯都好好味。臘味糯米飯都幾好食，係油咗少少。胡椒豬肚雞鍋非常好味，食得出啲雞係新鮮嘢，胡椒湯都好正，誠意之作。酥炸生蠔本人覺得幾個餸之中，最好味係呢個，蠔夠肥美，食得出係好新鮮。炸得唔油，有生菜包底，值得一讚。楊枝甘露脆蝦球蝦球炸得脆又唔腥。幾個同事都話好正。因為本人對蝦一般般，所以我只係同同事分享左一隻，但我呢位同事，食咗兩隻半，應該都唔錯。總括而言，味道好，烹調功夫一流，用料上乘，係非常好嘅一間餐廳。但當然，一分錢一分貨，收費唔太便宜。值得再去。