影片
更多
2022-05-22
15 浏览
又去大角咀搵嘢食，今次又係食串燒，店舖唔算好大，不過食物方面都好有質素。漬物居然有我好鍾意食嘅牛蒡漬，又好味又健康，$20有咁多好抵食，送酒一流。十串串燒可以一次過試晒十款推介嘅串燒，唔洗左揀右揀，啱晒選擇困難症嘅我，不過可惜當日和牛賣晒，取而代之嘅係鰻魚或者白鱔。我揀咗白鱔，雖然食唔到和牛，但呢個魚係我覺得當日最好味嘅🤩啲肉勁肥美，層皮勁脆，好香而且口感豐富。另外牛舌都有驚喜，好大塊同埋都幾厚切，口感脆韌。黑豚籚筍卷都唔錯，清爽嘅籚筍可以中和豚肉嘅膩。芝士年糕一定要試，一啖咬落去，啲芝士流晒出嚟，好好味😋另外，lunch有好抵食嘅丼飯，仲包埋嘢飲，我哋想食多啲菜，所以叫咗個蔬菜丼，都係燒出嚟㗎。呢度嘅串燒同一般串燒店有啲唔同，好似都冇落七味粉、辣椒粉嗰啲，比較原汁原味👍🏻
漬物
居然有我好鍾意食嘅牛蒡漬，又好味又健康，$20有咁多好抵食，送酒一流。
十串串燒
可以一次過試晒十款推介嘅串燒，唔洗左揀右揀，啱晒選擇困難症嘅我，不過可惜當日和牛賣晒，取而代之嘅係鰻魚或者白鱔。我揀咗白鱔，雖然食唔到和牛，但呢個魚係我覺得當日最好味嘅🤩啲肉勁肥美，層皮勁脆，好香而且口感豐富。
另外牛舌都有驚喜，好大塊同埋都幾厚切，口感脆韌。黑豚籚筍卷都唔錯，清爽嘅籚筍可以中和豚肉嘅膩。芝士年糕一定要試，一啖咬落去，啲芝士流晒出嚟，好好味😋
另外，lunch有好抵食嘅丼飯，仲包埋嘢飲，我哋想食多啲菜，所以叫咗個蔬菜丼，都係燒出嚟㗎。
呢度嘅串燒同一般串燒店有啲唔同，好似都冇落七味粉、辣椒粉嗰啲，比較原汁原味👍🏻
张贴
