肥老闆老壇酸菜魚 (已結業)

日日喺九龍城做嘢，商場嘅餐廳都已經全部食過，有啲膩，同事就帶咗我去九龍城衙前圍道嘅肥老闆老壇酸菜魚，餐廳裝修有D舊式，但係環境非常企理又乾淨。員工好親切嘅推薦左佢哋嘅招牌同特色菜，最後決定麻香手撕雞，川味毛血旺同正宗老壇酸菜魚。老壇酸菜魚好足量，有海鱸魚，大豆芽，薯粉，蓮藕，青瓜，金菇，窩筍等等。湯底又辣又酸，魚片又大片又嫩滑，蓮藕金菇豆芽吸曬所有湯汁味道，好正！😙😚川味毛血旺有鴨血，腩肉，午餐肉同魷魚，真係好豐富，川辣好香又辣得刺激，鴨血好好食，午餐肉更加是一絕！🤩麻香手撕雞食到條脷好麻，手撕雞都好嫩滑！呢間餐廳真係好值得一試！👍🏻