印尼餐廳 (已結業)

好多年無黎呢間餐廳食飯，朋友話上次食完好味道，就重回下舊地。果然有意外驚喜！平日不算多人，唔洗等位就可以入座。二人分量叫左半打串燒，牛薯餅，炸魚餅，蝦喇沙同馬拉盞炒通菜。串燒汁十個讚，少少辣。加上串燒燒得香口又能保存肉汁，絶對係必食之選。牛薯餅雖然賣相一般，但係皮脆香口，個人認為絶對值得推介。蝦喇沙嘅湯底濃郁，尚嫌蝦不算新鮮。炸魚餅同菜就不過不失，馬拉盞味濃，有少少過鹹。整體而言，環境舒適，價錢適中，值得再來。