浦和日本料理 (已結業)

非常開心的一個晚上,係我同女朋友拍拖一周年紀念日,之前果日我問女朋友想食乜,佢話想食日本野,咁我就上網搜尋,俾我發現呢間日本餐廳,間餐廳係放題,仲要唔限時間,我就打電話去訂位,訂位時個位小姐好有禮地幫我預約時間,亦有耐性咁聽我既要求,當我地到達的時候,門口個位小姐好快就帶我地入到一個較靜既位置,店內的環境氣氛亦有啲情調,一坐底諗住嗌嘢食,就上咗一碟刺身,原來係送既,幾特別雖然刺身款式唔多,但勝在夠新鮮,特別係三文魚同象拔蚌,之後就叫啲熟食,香蒜肉串腸,好香,好特別芝士焗蠔,雖然細啲,但啲汁超正,又唔流,我同女朋友都叫咗幾次,仲有我至愛既和牛粒,送酒一流最後食埋個火鍋,啲湯底好濃味,正肥牛夠新鮮,今晚呢餐我地大飽口福,我同我女朋友約定下次情人節我地會再嚟食多次